Steingeit

Eins og glöggir lesendur síðunar sjá er komið til hlustunar hér til hægri lag og ber það nafnið Steingeit samið og sungið af Ragnari Ólasyni og verður á væntanlegum diski dúettins Heymsskyrs sem skipaður er af áðurnefndum Ragnari og undirrituðum.

Stefnt er á að platan komi út á næstu vikum en þess má geta að útgáfan sem hér er í boði er ekki endanleg útkoma lagsins - enda einugis um sýnishorn að ræða og þykir okkur, þó við segjum sjálfir frá útkoman vera góð og fullbúið verður þetta væntanega líklegt til vinsælda:)

búast má við fleiri lögum hér þegar nær dregur útgáfuni 

 

Handbolti er víst málið

ekki hefur verið talað um annað en "strákana okkar" í dag - á öllum bloggum , í útvarpi,sjónvarpi og öllum fréttavefjum.

En hefðu "strákarnir okkar" tapað væri líklega bara talað um að landsliði hefði tapað og engin viljað kannast við að hafa horft á leikina sem illa fóru .

Það er svo leikur við Túnis á morgun ekki satt? Eða á að segja Túnisa? Bjarni Fel er sérfræðingur í beyingum  á þjóðernum eins og þegar hann kallaði Sádi arba "Sáda" og Kazakstana "Kazakka" og gott ef Bjarni kom ekki með "katara" á lið Quatar:)   

Heyrði í Bjarna lesa íþróttafréttir á Ruv um daginn og ég átti í mesta basli að skilja hvað manngreyið var að segja, orðin þvældust einhvernvegin uppí honum og engin leið að átta sig á hvort um var að ræða úrslit í enska boltanum eða nba, já eða babbinton hehe - veit einhver hvað hann er gamall? 

Glæsilegt!!

att best að segja var ég ekki bjartsýnn á gengi strákana okkar gegn sterku liði frakka í kvöld.

En þvílíkur og annar eins baráttuhugur og karakter í liðinu! Allir lögðu sig 150% fram (ég sagði líka að við myndum vinna ef við gerðum það)

Birkir Ívar að verja vel í markinu og allir að setja mörk, kannski borgaði sig fyrir mig að vera svona svartsýnn hehe

Nú er bara að halda áfram í þessum gír og komast  enn lengra.

 

áfram ísland 

Íslendingar gjörsigruðu Evrópumeistaralið Frakka

jæjajæjajæja....

góðan dag

umsátur á dalvík - engin lést, en hefði þetta átt sér stað í usa þá hefði manngreyið verið skotinn og það oft og mörgu sinnum.

já það var skrítið þegar kyrrðin var rofin hérna í litla bænum okkar í síðustu viku, móðir mín tjáði mér að hér væru staddir víkingarsveitar með gráir fyrir járnum og þeir væru við húsið brimnes - ég bý ca 100 m frá því húsi og væri búið að strengja lögregluborða til að loka af svæði sem talið væri hættulegt - efast um að lögreglan eigi svona kúl lögregluborða, hafa örugglega notað borða sem stóð "varúð hitaveitan" eða eitthvað

Ég varð auðvitað spenntur og forvitinn og vildi vita hvað þarna gengi á og eftir gott spjall við heimildar mann minn á msn, Arthur Eggertsson var ég nokkuð viss í hvaða húsi maðurinn var sem hafði hótað að skjóta alla þá sem kæmu nærri húsinu. Og eftir 3 tíma með lögreglu,víkingasveit og forvitna bæjarbúa gafst kauði upp og var allan tíman vopnlaus en átti við geðræn vandamál að stríða.

Skil ekki alveg þessa forvitni í fólki - víkingasveitin og löggan vissu ekkert um hvort maðurnn væri vopnaður eða með sprengju þarna inni en samt hópaðist fólk að þessum "glæpavettvangi" og truflaði störf manna og hvað eftir annað þurfti að reka fólk frá.

Jæja nóg um þetta

Helgin var frábær íþróttalega séð, Liverpool vann Chelsea 2-0 og ísland vann ástrala á laugardaginn,  svo á sunnudag unnu Arsenal Man Utd 2-1 og ísland tapaði fyrir úkraínu eins og ég var búinn að spá.

Ég er á því að leikja uppröðun skipti öllu máli í svona móti, þar sem ísland fékk langléttasta liðið í fyrsta leik unnu með miklum mun og öðluðust falskt sjálfstraust, úkraina tapaði með 11 marka mun gegn frökkum sem eru með besta liðið í þessum riðli, ég held að úkrainumenn hafi ekki spilað að fullri getu gegn frökkum til að blekkja íslendingana - og þeim tókst það því það var allt annað lið sem mætti svo íslandi í gær -úkraina er með gott lið - sennilega mikið betra lið en ísland. Og svo í dag verða íslendingar að vinna frakka, sem ég tel óraunhæft - en vona auðvitað það besta.

Hvað er með þessa undankeppni í júróvision? öll þessi 8 lög sem voru flutt á laugardaginn voru léleg!! Og ég pikkaði 3 þau skásstu út en ekkert þeirra var kosið áfram - ég er ekki að halda því fram að mitt val hafi verið eitthvað betra en þjóðarinnar - en ég vona svo sannarlega að þau lög sem eftir er að kynna verði betri og að þetta hafi ekki verið þverskurður af öllum lögunum! 

segjum þetta gott í bili  

Jóla

Upp er runninn Láki og jólin alveg að koma og ég búinn að öllu sem ég ætlaði að gera, kaupa gjafir og þess háttar. Fór suður síðustu helgi í pakkaferð - fórum með gjafirnar og afhentum þær persónulega, gaman að því:)

Daði félagi fluttur heim eftir 11 ára útlegð í Englandi og Serbíu - frábært að fá hann heim, þá getur hljómsveitin Hangóver loks haldið ferð sinni áfram til fræðgar og frama;)

Svo að endingu óska ég öllum sem þetta lesa gleðilegra jóla og farsældar á komandi ári og almenns velfarnaðar í lífinu.

 

Vona svo að ég verði duglegri að blogga hér á næsta ári - stefni á það allavega.

 

lifið heil 

Staddur á Stór Mosfellsbæjarsvæðinu

Langt er síðan ég skrifaði hér en ætla mér að bæta úr því hér.

Eins og kemur fram í fyrirsögninni þá er ég staddur nærri höfðustaðnum, kom á fimmtudag og við hjúin skelltum okkur á tónleika í höll kenndri við laugardal og sáum Rockstar tónleikana, ekki byrjaði það nú vel. Upphitunarbandið Á móti sól sté á svið og hríslaðist um mig kjánahrollur mikill, 6000 manns í höllinni og þeir ekki að ná neinni stemmingu, örfáir kunnu textana og ég engan vegin að fatta til hvers þeir voru þarna, stemming kom þegar þeir spiluðu part af bítlalaginu hey jude - þá söng fólk loks með.

Næstur kom á svið Josh Logan og spilaði hann nokkur frumsamin lög - alveg ágætur bara.

Þá var komið að því Húsbandið mætti á svið og þvílíkur kraftur!!! Hef aldrei orðið vitni að öðru eins..sjitt maður!! Dilana,Toby,Storm og Magni skiptust á að syngja lög sem þau slógu í gegn með í þáttunum góðu í sumar. Á móti sól hljómuðu bara eins og óæft bílskúrsband miðað við snillingana í Húsbandinu og stemmingin frábær.

Svo í gær tókum við pakkann á þetta, IKEA,Smáralind og allt sem því fylgir að vera sveitamaður í borginni.

segjum þetta gott í bili bless 

Heims skyr

nýtt band í burðarliðnum, útgáfa og fleira á leiðinni fylgist með frá upphafi...

 

HÉR 

já

jæja þar kom að því að ég mundi lykilorðið að síðuni (besta afsökunin við bloggleti sem ég fann)

það er nokkuð langt um liðið síðan síðast en ég skal koma með það helsta:

Ása fékk vinnu hjá já punkti is sem hópstýra, stýrir nú um 50 konum  og líkar það vel.

já þetta var svona það helsta

góðar stundir 

þar kom að því

jæja já - ég ekki alveg að gera mig í þessu bloggi, en ég reyni að bæta það hér og nú.

Það hefur verið markt og mikið að gera undanfarið - aðallega tengt spilamennsku á fiskidaginn - spilaði 3 gigg daginn þann, fyrst á sviðinu með blúsbandinu, það var svona lala hjá okkur og svo um kvöldið við Bakaríið - vitna í orð Hölla "það besta sem ég hef gert" bandið var hreinlega á flugi og ekkert var okkur ofviða (fannst mér) nýji bassaleikarinn alveg að smellpassa í þetta og Örn alltaf góður, Hölli búinn að bæta sig líka.

Svo er farið að plana tónleika með Blúsbandinu í Danaveldi einhverntíman á næsta ári reikna ég með. 

Eftir bakarísgiggið fór ég upp á sogn og spilaði þar með GSM til að verða 4 og var ansi búinn á því eftir daginn.

Fiskidagshelgin var mögnuð - vorum með 3 næturgesti, Ragga, Salvöru systir Ásu og Tengdapabba - gaman að því. 

Seinustu helgi fórum við svo til höfuðborgarsvæðisins og hittum Bryndísi systur Ásu og Styrmi kærastann hennar sem eru búsett í Noregi, það var aldeilis gaman.

Og ég horfði svo á 1. leik minna manna í ensku hjá Ragga í Mosó - hefði kosið betri úrslit en svona er þetta bara. 

Svo fékk Biggi far með okkur norður og við erum búnir að horfa á 2 Liverpool leiki og buðum svo Bigga í mat í gær.

Síðast en ekki síst er Taye trommusettið sem ég pantaði í mai komið  til lands eftir ferðalag frá Tælandi, ætla að ná í það í vikuni - hlakkar ekkert til... nei nei:)

Svo veiktist kisinn okkar hann Prins eftir að við komum að sunnan og fór ég með hann til læknis og þurfti að ná þvagprufu frá honum til rannsóknar - ég beið allan þriðjudaginn eftir því - frá 10 um morgun þangað til litla skinnið þurfti að pissa en það kom ekki fyrr en um 22:00 um kvöldið - og það var geðveikt veður úti en ég lét mig hafa það að bíða:) 

fór svo á með prufuna til greiningar og útkoman var sýking í þvagfærum og fékk ég lyf við  því og Prins allur að líkjast sjálfum sér á ný.

Ekki er öllu kattatali lokið því á föstudaginn fórum ég mamma og Stefán með Gismó til læknis, hann var búinn að vera mjög slappur nokkra daga og greiningin á honum var krabbamein í kvið - mikið áfall því Gismó er búinn að vera meðlinur í fjölskylduni í 9 ár - hann fékk spautu til að lina verkina og vítamín líka því hann hafði ekki verið duglegur að borða  og það er bara spurnig um hvað hann lifir lengi blessaður kallinn, hann var hressari í gær, borðaði  og fór út þannig að við verðum að njóta dagana sem hann verður með okkur.

 

þetta er orðið ágætt 

jæja þá veit ég það

greindari en ég hélt hehe