Hvað ætli menn kalli þá eyjuna...

þegar verður búið að eyða öllum Rottunum þar? Kannski bara "Eyja"

Útrýma á rottunum á Rottueyju

Stiklað á stóru..

búið að vera þó nokkuð um að vera hérna í torginu síðustu daga og ekki laust við að húsbóndinn sé ögn búinn á því eftir þetta - eins og ég sagði í síðustu færslu tók ég mig til og reif teppið af gólfinu og fékk karl faðir minn til að leggja með mér, hann mætti galvaskur á laugardaginn en þá var ég rétt ný farinn út til að keppa í bændaglímu golfklúbbsins sem gekk bara vel, þar sem ég sigraði andstæðing minn nokkuð örugglega (vann með 4 holu mun) keppt var í holukeppni - svo þegar ég kom heim blautur og þreyttur var pabbi nýfarinn og búinn að leggja á stofuna og helminginn af holinu þannig að þetta hefur gengið nokkuð vel , svo héldum við áfram á sunnudaginn og nú á bara eftir að setja á eldhúsið - við fengum ekki nógu mikið af parketi til að klára. 

í dag fór ég með Nínu inn á akureyri til að vera barnapía meðan hún fór til læknis og er ég stoltur af því að hafa fengið að gæta Eriks Hrafns frænda míns í fyrsta skiptið - og ekki það síðasta held ég hehe! 

Svo á morgun stendur til að bruna á Seyðisfjörð með Elmari og ná í bíl sem hann og Nína systir voru að kaupa frá þýskalandi.  

Svo af útgáfumálum hjá okkur Ragga er allt í vinnslu - við erum búnir að fá 5 lög sem eru nánast klár og ég get með nokkurri vissu sagt að þessi diskur á eftir að koma á óvart, sum lögin þarna hljóma mikið betur en ég þorði að vona - ætli þetta við verðum ekki í jólaplötuflóðinu í ár

Framkvæmdir í Torginu

nú eru framkvæmdir hafnar, til stendur að leggja parket á heimili mínu - ég tók vel á því í gær og fjarlægði teppið af gólfinu, ofsa duglegur Vonandi kemur parketið í dag svo við getum byrjað um helgina, annars er helgin nokkuð þétt bókuð hjá mér þar sem undirritaður er að fara að spila á dansballi í kvöld á hótel KEA, og í fyrramálið ætlaði ég að keppa í golfi - lokamót klúbbsins, bændaglíman sjálf, svo verður dottið í það um kvöldið - þannig að parketlögn hefst líklega ekki fyrr en á sunnudag.

þar til næst, Sverrir 

Efstir

Loksins - ég er búinn að halda úti bloggsíðu í ein 5 ár og aldrei getað glaðst yfir því að mínir menn í Liverpool vermi toppsæti enska boltans hérna á blogginu en núna er tækifærið og  smelli ég topp 5 hérna í því tilefni.

 

1. Liverpool 4 3 1 0 11:2 10

2. Arsenal 4 3 1 0 7:3 10

3. Everton 5 3 1 1 8:5 10

4. Chelsea 5 3 1 1 7:6 10

5. Man. City 5 3 0 2 4:2 9

og taka skal fram að þessi 2 mörk sem Liverpool hafa fengið á sig komu bæði úr vítaspyrnum - það seinna úr skandalsvítinu sem Chelsea fékk og dómarinn baðst svo afsökunar á að hafa dæmt.

Sumir hafa gagnrýnt kaup á leikmönnum liðsins en frammistaða þessara manna sýnir að réttir menn hafa verið keyptir og nefni ég sérstaklega Andriy Voronin sem hefur skorað 3 mörk og Fernando Torres sem líka hefur skorað 3

það er ekkert kalt á toppnum - stefnum á að vera þar sem lengst :) 

Allt fyrir ástina, eða hvað?

Annað hvort elska þau ekki hvort annað eða minni Angalinu svona lélegt, samt er ég alveg orðlaus yfir þessu stjörnupari, þar sem allt á að vera fullkomið og ástin meiri en hjá okkur þessum venjulegu, það er sennilega ekkert þannig, stjörnunum líður held ég ekkert betur og segja ekki "ég elska þig" lengur heldur sitja og telja peningana.

Brad og Angelina hafa aldrei sagt „ég elska þig“ við hvort annað

þessar mömmur alltaf...

hvað var mamman að reyna að fá drenginn til að taka úr uppþvottavélini þegar hans beið mikilvægt spjall á MSN - og ráðaleysið að hringja á lögguna dísess kræst, sumt fólk bara skilur ekki mikilvægi þess að nota tölvur:)

Lögregla kölluð til vegna deilna um tölvunotkun

ekkert grín að sparka bolta

það er greinilega ekki tekið út með sældinni að vera knattspyrnumaður, þeir eiga ekki 7 dagana sæla og taka upp á því að deyja hver á fætur öðrum, þetta er skelfilegt ástand og verður að rannsaka ástand þessara manna rækilega.

Knattspyrnumaður lést á æfingu í miklum hita

Bull eftir því sem ég best veit!!

Eftir því sem ég best veit hafa Staðarskáli og Brú verið í eigu sömu aðila í þónokkur ár og ekki verið í neinni samkeppni - tek það fram að ég er ekki 100% viss um þetta.

Brú er eiginlega bara sjoppa, ekki með mörg borð og stóla - ef það eru þá borð þar en Staðarskáli er meiri matstofa og með meiri þjónustu - þó hún sé ekki mikil. 

Og hvað er verið að blanda þessum Ingó í þetta? Hann ætti bara að taka með sér nesti  að heiman og hætta þessu væli. 

Og eins og það skipti N1 máli hvað einhver idol drengur segir, þeir hækka þá bara verðið 

Sjoppufákeppni hræðir poppara

ekki nema það já..

ætli henni veiti nokkuð af  þessum aurum til að kaupa sér föt, hún er alltaf hálf ber stúlkan. Og Beckham á örugglega ekki pening til að láta hana hafa til að dressa sig upp, og gott að vita það að mannvitsbrekkan Viktoría sé að gera allt hvað hún getur til að bæta bandaríska efnahagslífið.

 

Görl páver!! 

Viktoría fær 350 milljóna króna úttektarheimild

Einmitt það já

Ógæfusömu einstaklingarnir verða einhversstaðar að vera og að loka vínbúðinni í austurstræti er ekki aðferð til að láta það hverfa, þeir finna sér þá bara annan stað til að vera á - kannski best að hafa þá í kringlunni það er heitt og notalegt allavega, og þar er líka vínbúð

Er svo ekki næsta mál að loka öllum vínveitingagrúsum og verslunum í miðbænum svo að komi örugglega ekkert fólk þangað og Villi geti státað sér af mannlausasta miðbæ í heimi.

Skil ekki alveg þessa pælingu, það er eins og Reykjavík megi ekki vera eins og aðrar höfuðborgir, bannað að vera með nektarstaði , bannað að rónar (ógæfu menn)sjáist eins og sjást í öllum öðrum borgum og bæjum, mismikið reyndar.

Höfuðborgarsvæðið á að vera alveg spes og þessir háu herrar vilja sjálfsagt senda alla sem smell passa ekki inn í umhverfið út á land, þar sem þeir sjást ekki.

 

Vill vínbúðina burt