Skrýtið

Samningur Eyjólfs var til 31.okt en forkeppnin klárast ekki fyrr en 21. nóv - skrítinn samningur sem KSÍ gerðu, það hefði verið gáfulegt að semja til loka forkeppninnar, en ég grenja ekkert yfir því að hann sé hættur, nú bíð ég "spenntur" eftir því að KSÍ mafían ráði nýjan þjálfara, mín tillaga er hins vegar að auglýsa djobbið og sjá hverjir hafa áhuga á því - eða ráða útlending sem hefur engin tengsl við félögin hér heima, tala nú ekki um að fá þjálfara sem leikmenn fara ekki í fílu við og gefa ekki kost á sér í liðið.

Eyjólfur hættur sem þjálfari landsliðsins

hættu nú alveg

skil ekki alveg þessi blessuðu lög þarna niður í Ástralíu

þetta er auðvitað bara snilld hjá konunni að kremja dósirnar svona - það er allavega ætlast til þess að dósirnar séu kramdar svo minna fari fyrir þeim í endurvinnslunni, og því ekki að vera með smá show í kring um það, kona á besta aldri með lookið í þetta og allt.

Skárra en að sjá einhvern karl taka bjórdósir og kremja þær með því að stappa á þeim, ekkert varið í það.  

Sektuð fyrir að kremja bjórdósir með berum brjóstunum

Sagan öll í meistaradeildinni?

Ég held að mínir menn séu komnir með allavega annan fótinn út úr þessari keppni, keppninni sem Rafa gekk svo vel í. 

Verð að segja það að ég varð hálf feginn að hafa misst af þessum leik gegn Besiktas í kvöld, hafði öðrum og skemmtilegri hnöppum að hneppa við trommuspil.

Og ekki líst mér á næsta leik sem er gegn Arsenal, finn mér eitthvað gáfulegt að gera á sunnudaginn rétt á meðan leikurinn er - bóna bílinn eða eitthvað.

Er Rafa með rétta hugsunarháttinn í að þjálfa þetta lið?

Ég set spurningarmerki við það og eftir að aðstoðarmanni hans var sagt upp (rekinn) hefur ekkert gengið, held að sé komið að leiðarlokum hjá spanjólanum og kominn tími á að fá mann sem þekkir enska boltann betur og veit út á hvað þetta gengur, ég veit samt svei mér ekki hver það ætti að vera en þetta gengur allavega ekki út á það að vera með eitthvað skiptikerfi og kæla menn niður í öðrum hverjum leik, það gengur kannski á Spáni þar sem bestu liðin vinna oftast þau lélegri - jafnvel þó nokkrir lykilmenn séu hvíldir. 

kannski er rétta leiðin að detta út úr meistaradeildinni svo að enska deildin sé eitthvað áhugaverð fyrir Rafa, efast samt um það.

Liverpool á ekki skilið að komast upp úr riðlinum. 

Steven Gerrard: Ekki búinn að gefast upp

Réttlæti?

Mér er svo slétt sama, það má vel vera að Everton  hafi átt að fá víti í lokin en dómarinn dæmir ekki og þá er það bara þannig.

Unaður að klára þennan leik svona - hefði ekki getað planað endirinn betur sjálfur. 

Set samt spurningarmerki við Benitez að vera með Sissoko þarna, hann var slakur og Gerrard á ekki að vera á kanntinum.

Gleði gleði!! 

Liverpool vann Everton á tveimur vítaspyrnum

Ég er ekki sammála

Og dreg ummæli landlæknis í efa.

Það er alltaf verið að bera ísland saman við önnur lönd en hvernig væri að gera það í þessu tilfelli líka, í flestum löndum er seldur bjór og léttvín í matvörubúðum og jafnvel sterkt líka - væri ekki sniðugt að gera eins og á Spáni, leyfa öllum búðum að selja vín og breyta vínbúðunum í sérverslanir með tóbak.

Það væri gaman að vita hvað reykingafólkið segir við því.

Ekki er það verra að eigi að lækka verð á áfengi líka - talandi um að bera sig saman við önnur lönd.

Annaðhvort að banna áfengi alveg eða breyta þessu - spurning hvort gengur betur 

Landlæknir: Afnám einkasölu ÁTVR mun auka áfengisneyslu

Farðu þá!

og láttu ekki sjá þig í ensku deildinni meira

Drogba: Ekkert getur stöðvað mig í því að fara frá Chelsea

Sorglegt

Ég sá þennan leik í gær og fannst enskir spila ágætlega en á 60. mínútu skiptu Rússar um gír og völtuðu yfir andstæðingana, fengu víti að gjöf frá Rooney sem gerði glópa mistök að rífa í manninn - þó að Höddi Magg hafi sagt að þetta brot væri utan teigs þá var alveg hægt að dæma víti þarna. Og annað markið skrifa ég á Paul "markmann" Robinson - furðulegt að þessi maður sé aðalmarkmaðurinn í þessu liði!

Ég hugsa að ég gráti það ekkert þó svo england komist ekki á EM - þá verður kannski tími til að ráða nýjan þjálfara - skil ekki ráðningu McLaren í þetta þar sem hann hefur engum árangri náð með félagslið. 

 Það væri samt svo dæmigert að þetta spilaðist með þeim og þeir kæmust svo á EM en eiga það ekki skilið.

Gerrard: Ólíklegt að við förum áfram

Gott mál, vona að þetta verði að lögum

Mér finnst það hið besta mál að matvörubúðir fái að selja bjór og léttvín eins og tíðkast í öðrum löndum - eru það ekki þau lönd sem við erum alltaf að miða okkur við?

Svo er náttúrulega annað mál hvort sala með þessum hætti auki neysluna, sem ég held reyndar að gerist óhjákvæmilega. Er þetta ekki hluti af menningunni?

Held líka að fólk kaupi ekki eins mikið af bjór og léttvíni ef þetta verður komið inn í stórmarkaðina - fólk fer þangað nokkrum sinnum í viku til að kaupa í matinn og grípur það kannski 3-4 bjóra með , en ef það fer í ríkið kaupir það kassa af bjór og kannski sterka með, jafnvel 2 :) 

Í mínu tilfelli þegar ég var að byrja að eiga við vín þá var ekkert ríki hér á dalvík og þurftum við unglingarnir að finna einhvern sem var að fara til akureyrar og láta viðkomandi kaupa fyrir okkur, og þá vildi maður fá meira en minna því það var ekki alltaf létt að redda einhverjum til að kaupa, algengt var að fá sér flösku og kippu eða tvær, þá var drukkið meira. Svo þegar vínbúðin opnaði hér þá drakk a.m.k. ég minna og fer voðalega sjaldan þangað, þegar aðgengi er betra að þessu breytast drykkjusiðirnir, þannig að ég held að þetta leysi vandann að hluta til að selja í verslunum. 

Í startholunum með Euroshopper-bjór

Kemur gríðarlega á óvart

Nú er ég hissa. 

Hvít ferja sem á að bera sama nafn og sú gamla - reyndar er Sæfari hinn gamli gulur

gula málningin hefur ekki verið of dýr  þannig að hvítt varð fyrir valinu þar sem verið er að spara.

þetta ferjumál er búið að vera til skammar og kosta allt of mikið , vinir mínir í Grímsey eiga þetta ekki skilið. Það hefði kannski átt að hlusta á þeirra óskir og smíða nýtt skip í stað þess að kaupa gamalt, rífa það niður með miklum kostnaði og smíða svo nýtt. 

 

Grímseyjarferjan verður hvít og mun líklega heita Sæfari

Leggja niður landsliðið?

Svei mér þá, ég held að það verði ekki neðar komist, liðið drullaði upp á bak á móti Lettum en gjörningurinn var alla leið upp á þak í kvöld.

Sé hálf partinn eftir því að hafa sóað tíma mínum í þennan leik - hefði frekar átt að þiggja matarboð hjá Nínu systir sem ég afþakkaði þar sem hún er ekki með sýn. 

Ljótur skellur Íslands í Liechtenstein