hvað vil ég?

ég vil sjá minna af fréttum um þessa snargeðveiku Britney, og helst ekkert af henni vita.

Britney vill stærri brjóst

Auðvitað segir Mclaren ekkert af sér, frábær árangur.

McLaren stefnir auðvitað á að halda áfram með England og láta liðið spila hundleiðinlegan fótbolta, sénsinn að hann fái að halda áfram. Enska pressan tekur hann svo í ómsmurðan óæðri endann eftir þetta afhroð í kvöld hjá Enska liðinu, ég held að það sé alveg ágætt fyrir England að hvíla á einu stórmóti.

Mikið var ég samt sáttur við úrslitin í kvöld, Króatar voru magnaðir og ætluðu sér ekkert að gefa neitt þarna á moldarhaugnum Wembley.

 

Við skulum ekkert ræða leikinn hjá íslandi, það er ekki nóg að skipta um þjálfara, það verður að skipta um leikmenn líka!!! 

 

McClaren: Ég segi ekki af mér

Hver elskar ekki Dalvík!

Fallegur staður og hér er gott að búa og nafnið vel til þess fallið að vera á hugbúnaði frá Google, eins gott að þetta var ekki Bill Gates sem skírði næstu útgáfu af Windows, Windows Dalvik

Dan hjá Google elskar Dalvík

Beggi kallinn

 áttir þá ekki annað eftir en að komast í blöðin út af vespu hehehe!

 

Núna bíð ég spenntur eftir að sjá þig þeysast á vespuni um bæjinn okkar, helst fyrir jól :)

Dýrasti lottómiði sem ég hef keypt

Einfaldlega rangt

"Ragnar Bragason og aðrir aðstandendur

myndarinnar Foreldra á Edduhátíðinni í kvöld" segir á mbl.is

En ég get ekki betur séð en að þetta séu aðstandendur Næturvaktarinnar og sjá má glitta í Jón Gnarr og Pétur Jóhann þarna á bak við það sjá það nú allir,  þannig að mbl.is er að fara með rangt mál.

Reyna að vera með þetta á hreinu áður en fréttir eru settar inn. 

Kvikmyndin Foreldrar fékk flest Edduverðlaun

Af hverju?

Það kemur hvergi fram af hverju er verið að lækka áfengismagnið og stærð flöskunar, og auðvitað lækkar þetta ekkert hjá helvítins ríkinu.

Gríðarlega sterkur leikur að vitna í Ásgeir Kolbeinsson, gerir fréttina enn meira sannfærandi. 

Leiðrétting og afsökunarbeiðni

Bestir?

Nei held ekki, þó að það hafi verið frábært að vinna leikinn 8-0 og setja Evrópumet með stærsta sigri í meistaradeildinni, þá verður prófsteinninn um helgina í deildinni gegn Fulham.

Eins gott að rífa sig upp á rassgatinu og fara að skila stigum í deildinni líka.

mér fannst Voronin maður leiksins í gær, það gerðist ekkert ef hann var ekki með í því. 

Liverpool skoraði 8 mörk og metsigur á Meistaradeildinni

Skemmtilegur leikur!

Ekki varð það að fréttaefni þegar ég og fleiri stunduðum þennan leik margoft í þeim tilgangi að pirra ökumenn og helst að fá þá til að elta okkur um bæinn, skemmtilegast var þegar þeir stigu út úr bílunum og hlupu á eftir okkur - það var gaman!

Ég hef nokkrum  sinnum lent í því eftir að ég fékk bílpróf að strákguttar kasta í bíl sem ég er að keyra og hugsa ég þá um það þegar ég stundaði þennan leik og dettur ekki í hug að bíta á agnið og elta eða stoppa og rífa kjaft, það er það sem þeir vilja fá út úr þessu.

Sama má segja um dyrabjölluat - við gerðum bara at hjá þeim sem við vissum að yrðu brjálaðir og vildum helst að við yrðum eltir á hlaupum, það voru nokkrir í mínum heimabæ sem klikkuðu aldrei á þessu og skemmtum við okkur vel.

 Strákar eru og verða strákar.

Köstuðu snjóboltum í bíla

Auðvitað

Ólafur Jóhannesson er kannski á skásti sem er á lausu af íslenskum þjálfurum, en ég ætla rétt að vona að hann fái að ráða og geti líka tekið á agavandamálum liðsins og skipi nýjan fyrirliða, Eiður en svo langt frá því að vera leiðtogi þessa lið og sýndi sig líklega best að liðið spilar betur án hans - ég hef heyrt að Eiður geri lítið úr sumum leikmönnum og leggi þá nánast í einelti  - slíkir eru stjörnustælarnir - Vona svo sannarlega að þetta gangi eftir og Óli Jó fái að gera þetta á sinn hátt, en ég vil að ráðin verði erlendur þjálfari.

En ég segi samt gangi þér vel Ólafur Jóhannesson! 

Ólafur Jóhannesson: „Ég ræð“

Heppni

Mikið voru mínir menn heppnir að halda jafnteflinu gegn Arsenal í dag, Liverpool byrjuðu vel og skoruðu snemma en guð minn góður hvað Arsenal eru sprækir, spiluðu snilldarlega allan leikinn og virtust leikmenn Liverpool menn alveg búnir á því í lokin, sjálfur er ég nokkuð sáttur við úrslitin og eflaust hægt að byggja á þessum leik í framhaldinu.

En ákvörðun Rafa Benitez að nota Torres í byrjunarliðinu er fáránleg, drengurinn var ekki í neinu standi til að byrja inná. 

Liverpool og Arsenal skildu jöfn, 1:1