Glæsilegt!!

att best að segja var ég ekki bjartsýnn á gengi strákana okkar gegn sterku liði frakka í kvöld.

En þvílíkur og annar eins baráttuhugur og karakter í liðinu! Allir lögðu sig 150% fram (ég sagði líka að við myndum vinna ef við gerðum það)

Birkir Ívar að verja vel í markinu og allir að setja mörk, kannski borgaði sig fyrir mig að vera svona svartsýnn hehe

Nú er bara að halda áfram í þessum gír og komast  enn lengra.

 

áfram ísland 

Íslendingar gjörsigruðu Evrópumeistaralið Frakka

Athugasemdir

[Viðar Friðgeirsson, 22.1.2007 kl. 23:28]

Ótrúlegt! Óraunhæft! Ómögulegt! Frááábært!!!

Hvernig var þetta hægt? Hvernig gat liðið sem tapaði fyrir Úkraínu í gær, lið sem það átti að vinna örugglega að mati sérfræðinganna, unnið Frakkana í dag? Það er ekki hægt hvernig landsliðið okkar, ekki bara þetta, heldur og einnig öll hin fyrri draga okkur áhangendurna sundur og saman og fara alltaf Krísuvíkurleiðina til að ná markmiðum sínum. Við sitjum hérna og engjumst sundur og saman frá dýpsta svartnætti og upp í ofsafögnuð, slíkar eru geðshræringarnar. Hverjum hefði dotið það í hug í gær að liðið ætti eftir að kjöldraga Frakkana í dag? Ekki mér og ég sagði við kunningjana í dag að liðið sem tapaði fyrir Úkraínu í gær ætti ekki séns í Frakkana.  En... eins og Óli sagði, þeir eru eins og íslenska veðrið og í dag brast hann á af norðan. Það brast á norðan fárviðri og Frakkarnir vissu ekki hvaðan á þá stóð veðrið, sáu aldrei til sólar. Man einhver eftir því að Frakkar hafi aðeins skorað 8 mörk í heilum hálfleik? hefur það einhverntíma hent þá áður? Ég man ekki eftir því. Þetta var stórfenglegt og mér er til efs að landsliðið hafi í annan tíma unnið annað eins afrek og hefur það þó unnið marga glæsta sigra. Nú vonum við bara að norðanbálið haldi áfram að geysa og þið haldið áfram á ÞESSARI braut. Nú vitum við OG ÞIÐ hvers þið eruð megnugir. Með svona barátti komist þið alla leið. ÁFRAM ÍSLAND!!

p.s. Ég vil taka undir með þeim sem eru á vettvangi. Óli, þú átt eðlilega misgóða daga, en... þú bregst aldrei og að öllum hinum ólöstuðum þá vissu Frakkarnir hvern þeir áttu helst að hengja frakkann sinn á í dag.