sérdeilis frábært

það hafðist þó ég hafi verið neikvæður, en þannig persóna er ég bara og oftast virkar það best fyrir mig, tók samt ekki þátt í skrúðgöngu enda er það ekki minn tebolli að fara á torg og vera með læti, styð mitt fólk á minn hátt - með dassi af neikvæðni

 Loksins loksins verðum við með í úrslitum og kannski að maður splæsi smá jákvæðni í þetta og trúi því að við náum frábærum árangri.

 

áfram ísland 

 

Ísland áfram í Eurovision

jákvæður en samt ekkert mjög...

Jæja þá er þessi fimmtudagur upp runninn, og allt að gerast hér í júróvísíon þorpinu okkar hér á Dalvík.

Ég er samt ekkert að missa mig í þessum látum, en vona auðvitað að lagið okkar komist nú loksins áfram, það eru nú 50% líkur á því og auðvitað eru líka 50% líkur á að við komumst ekki áfram - þetta er eins og að kasta krónu 50/50 líkur, krónan gæti þess vegna svikið okkur og ég held að evran væri traustari.

Það er samt held ég ómögulegt að segja til um þetta, atkvæðin í þessum forkeppnum falla oftast furðulega - þó við séum með gott lag, þá er Evrópa með allt annan smekk fyrir lögunum í evróvision.

Já sumir geta sagt að ég sé ekki nógu jákvæður og hafi ekki trú á þessu, það má vel vera en ég breytist ekkert þó að sveitungi minn og vinur; Friðrik Ómar sé að taka þátt.

This is my life er lag sem ég mun seint setja í spilarann hjá mér og hlusta á, þannig er smekkurinn hjá mér hreinlega. 

Horfi samt á þetta í kvöld og reyni að vera jákvæður og trúa því að þetta fari allt vel. 

Þrjár mínútur til þess að slá í gegn

alveg eins og það á að vera...

vellirnir eru bara í stíl við liðin sem spila á þeim

Hafa áhyggjur af vellinum í Moskvu

öskrað er víða...

skárra að heyra öskrað út út en gas gas, en miðað við höfðatölu þá er þessi skjálfti í kína eins og íslendingur hefði misstígið sig mjög lítið.

 

en auðvitað er skelfilegt þegar svona náttúruhamfarir eiga sér stað, við erum svo varnarlaus gagnvart þeim.

Nema bandarríkjamenn 

„Svo var öskrað út, út!“

Til hvers?

hefði blessaður maðurinn ekki frekar átt að hjóla á venjulegu hjóli úti í náttúruni heldur en að innipúkast í 8 daga á þrekhjóli?

Allavega þá er auðveldara að vera bara inni - enginn vindur eða rigning til að tefja fyrir, annars var ég að fá mér hjól og líka búinn að komast að því að formið er ekkert, nú er bara að bæta það. 

Átta daga á þrekhjóli

Hann er alveg eins og...

segi það ekki því ég veit að sá sem mér finnst þessi svo líkur gerði þetta ekki og þá er bull að segja það hér .

Myndir birtar af bankaræningja

Loksins er hægt að kaupa Snilld

Ég get tekið undir þessi orð Geirs Horde á vissan hátt en talandi um fjárfestingar, þá er kominn út diskurinn Snilld með dúettinum Heimskyr sem er skipaður mér, Sverri Þorleifssyni og Ragnari Ólasyni og erum við með mjög takmarkað upplag í sölu, og ef þú vilt tryggja þér eintak þá er um að gera að drífa sig í því, fyrstir koma fyrstir fá.

Ekki á hverjum degi sem fólk getur keypt sér Snilld, 2000 kr. stykkið. 

 

Fólk haldi að sér höndum í fjárfestingum

Trommusettið mitt

eins og margir sem þekka mig vita er ég trommuleikari og mig langaði að deila með ykkur mynd af trommusettinu mínu sem ég var að stilla upp áðan, njótið vel! 

Ef og hefði

Já  þá er tímabilinu formlega lokið hjá mínum mönnum og óska ég Chelsea til hamingju með að vera komnir í úrslitin, það bara hlaut að koma að því að þeir kæmust í gegn um undanúrslitin.

En ekki var það létt, Liverpool veittu harða keppni og hefðu átt að fá vítaspyrnu í framlengingunni en því miður var ekkert dæmt, kannski hefur dómarinn haft orð Alex Ferguson í huga þegar hann sagði að ekki ætti að dæma víti í mikilvægum leikjum þegar lítið væri eftir, og líka fannst mér uppbótartíminn heldur snauður, svo ég haldi áfram að vitna í Ferguson.

Ég nenni ekki að pirra mig á þessum úrslitum og get alveg unað Man Utd og Chelsea að komast þangað sem Liverpool kallar sitt annað heimili - um að gera að leyfa fleirum að vera með

Chelsea í úrslit í fyrsta sinn eftir 3:2 sigur á Liverpool

Heimska segi ég.

Hvers vegna í ósköpunum er fólk að draga þessi ferlíki á eftir sér í svona veðri!!? Eða vera með þessa hlunka í eftirdragi yfirleitt, miðað við íslenska vegakerfið þá finnst mér þetta vera hrein og klár heimska að vera með þessi hýsi aftan í öðrum hverjum bíl eltandi sólina hvert einasta sumar, vera má að það sé voðalega skemmtilegt og spennandi að spá í hvar sólin verði á morgun.

Svona hýsi sem hinn venjulegi íslendingur er með kostar örugglega yfir eina milljón, sum meira reyndar og fyrir eina milljón og rúmlega það er hægt að gista 100 sinnum á hóteli og spara bensínkostnað sem fylgir því að draga skuldahalann á eftir sér, eða fara 5-10 sinnum á sólarströnd, það er þá líklega sól þar, í stað þess að þeysast um landið í leit að henni allt sumarið.

Svo má líka vera bara heima hjá sér - sólin kemur fyrir rest

Hjólhýsi splundraðist á ferð