Góðar fréttir

Ég skildi aldrei þessa málamiðlun milli J-lista og B-lista að skipta út bæjarstjóranum á miðju kjörtímabili, kannski voru framsóknarmenn eitthvað efins um að Svanfríður kæmi til með að standa sig nógu vel, ég hef alltaf haft trú á henni - enda mikill persónuleiki og fer ekkert dult með skoðanir sínar - hreinskilin og heiðarleg. Og hefur reynst mér vel persónulega á þeim tíma sem hún hefur verið bæjarstjóri.

Svanfríður reyndi að kenna mér dönsku í 6.bekk en það gekk illa og vil ég ekki kenna henni um það, enda hef ég alltaf verið því mótfallinn að læra þetta heimska tungumál

 

Svanfríður lengi lifi!! 

Svanfríður verður bæjarstjóri út kjörtímabilið

Athugasemdir

[Ragnar Ólason, 15.1.2008 kl. 11:43]

B listinn hefur greinilega trú á Svanfríði fyrst þeir leyfa henni að klára kjörtímabilið. Hún kenndi mér aldrei en ég hef leikið með henni á sviði hjá Leikfélagi Dalvíkur í verki sem sló í gegn fyrir 14 árum á fjölunum í ungó, Lands míns föður. Mínir dönskukennarar voru Stebbi Huggu, Hörður Liliendahl og Kristján Róbert og stend ég í þakkarskuld við þá enda kom það sér vel þegar maður flutti til Danmerkur og bjó þar í nokkur ár. Mér hefur alltaf fundist Danska skemmtileg og talaði við Dana í síma síðast í gær.

[Anna Guðbjörg Sigmarsdóttir, 15.1.2008 kl. 18:04]

góð lending á þessu máli  ætli framsókn hafi nokkuð verið tilbúin að sleppa takinu á stólnum eða draumnum um stólinn, þeir hafa viljað vera með einhverja baktryggingu ef hún færi að klúðra málum,

Sverrir er ekki nær að kenna Dönum Íslensku???