Er verið að ljúga í okkur?

Einmitt,  Merzedes Club kalla sig hljómsveit - vinsæla hljómsveit, hvernig getur það verið?

Hljómsveit er að mínu mati þannig skipuð að í henni eru meðlimir sem kunna eitthvað á hljóðfæri -þurfa ekkert að kunna neitt mikið sko, aðeins bara. Og að mínu viti kallast það ekki að vera í hljómsveit þar sem helmingurinn af bandinu slær með gerfikjuðum á plattrommur og sá sem spilar á eina hljóðfærið er ekki með það tengt - og söngkonan getur ekki sungið nema að hafa monitora sem segir henni hvað hún á að gera - oftast fölsk samt, þetta er nú meiri hljómsveitin!

Jú jú svo sem er þetta alveg möguleiki, einu sinni var ég í hljómsveit þar sem nokkrir kunnu ekki á hljóðfærin sín en við vissum af því og vorum þvi ekki að gera plötusamning og bóka okkur allar helgar, heldur æfðum við okkur í dálítinn tíma og náðum smá tökum á þessu.

 núna síðustu ár hef ég verið í nokkrum hljómsveitum - blúsbandi sem æfði aðeins í byrjun en hefur ekki æft neitt síðustu 2-3 ár en samt höfum við spilað á tónleikum reglulega, hittumst einu sinni á ári og það gengur upp því við kunnum á hljóðfærin okkar. 

Og líka ballhljómsveit sem spilar 2-3 gigg í mánuði - skipuð 4 mönnum og við höfum aldrei æft , þannig að ég viðurkenni ekki merzedes club sem hljómsveit sama hvað hver segir - ekki fyrr en fólkið kann eitthvað að spila á hljóðfærin sín, og trommurnar verða alvöru trommur!!

Ceres4 er sennilega sá eini sem er vanur og það eina sem hann gerir er að halda uppi stemmingunni með einhverjum gólum og gauli.

Og þið sem eruð mér ekki sammála hafði greinilega ekkert vit á þessu frekar en meðlimir merzedes club.

Eurobandið er hljómsveit með alvöru tónlistarmönnum sem kunna að spila á hljóðfærin sín - þar liggur kannski munurinn á atkvæðunum í forkeppninni hér heima

hver veit:) 

Vöðvabúnt vinsælli en Eurobandið?

tóma tunnan orðin full?

Fólk hefur talað mikið um þessa frægu setningu Friðriks Ómars eftir forkeppnina hér á laugardag, Gillz segir hann vera margsaga í þessu og beint orðum sínum að Mercedez Club, en sagt svo eftir á að það hafi verið gegn aðdáendum þeirra.

Það skiptir kannski ekki alveg öllu máli, heldur að hann hafi látið þetta út úr sér drengurinn - hvert svo sem það átti að fara - óyfirvegað og óhugsað, maður segir ekki svona! 

Á þessari stundu þegar búið er að krýna hann ásamt Regínu sem sigurvegara í keppninni þá hefðu flestir fagnað sigrinum  en ekki verið að hnýta í aðra keppendur eða aðdáendur þeirra með þessum hætti. Sá svo þá "félaga" Friðrik og Gillz í kastljósinu þar sem mér fannst svo sem ekkert koma í ljós hvert þessum orðum var beint, auðvelt að segja hvert þau áttu að fara - þó menn viti betur.

Leiðinlegt og klúðurslegt atvik sem fólk man eftir og mun sennilega minnast eftirleiðis.

Það er oft betra að þegja bara.

En ég stend með mínum manni í keppninni í Serbíu  í mai.

áfram ísland! 

Mikil umræða um ummæli Friðriks Ómars

hver er maðurinn

ætli Geir Sveinsson, Dagur Sigurðsson og Aron Kristjánsson hafi gefið kost á sér í ný?

Gæti verið að sé búið að semja við Júlíus Jónasson?

Eða Guðumund Guðmundsson?

Held samt að Þorbergur verði ráðinn :) 

það kemur í ljós eftir klukkutíma eða svo.. 

Nýr landsliðsþjálfari kynntur

Þetta líf þetta líf...

Jæja þá erum við búin að kjósa okkur lag til að taka þátt í Evróvision sem fer fram í Serbíu þetta árið. Friðrik Ómar og Regína Ósk fara með lagið This is my life sem mér fannst bara allt í lagi í nýjum búningi og á ensku - voðalega erlendis eitthvað:)

2. Sæti náðu loftbelgirnir í Mercendes Club hefðu kannski átt að æfa sig meira í að syngja lagið frekar en að níða niður aðra keppendur síðustu dagana - stelpan sem söng lagið var pípandi fölsk og framkoman langt frá því að vera það sem Gillz hélt fram í viðtali á bylgjunni um daginn, greinilega búið að skipuleggja markaðssetninguna 100% en gleymdist alveg að æfa sönginn, enda einhverjir aðrir búnir að sjá um bakraddasögnin í undankeppninni.

 og númer 3 var Dr. Spook í gulu búningunum, töff atriði og ég hefði alveg viljað sjá það lag áfram en kannski er komið nóg af gríni í þessari keppni í bili - og þetta með serbnesku sjómennina var fyndið þar sem útgerð er lítið stunduð í Serbíu þar sem landið liggur hvergi að sjó.

Eurobandið fer til Serbíu

Hamingja í Hollymood

eins og J Lo kemur Jessica Alba líka til með að eignast tvíbura, hún er himinlifandi með þessar fréttir.

Jessica ber tvíbura undir belti

Tvíburar - til hamingju

Glæsilegt, krúttlegt, æðislegt!

Mikil hamingja hjá Jennifer og Marc 

Lopez eignast tvíbura

Er ástæða til bjartsýni? NEI!

Að vinna leikinn 2-0 lagar ekki það að hafa drullað upp á bak í síðustu leikjum - sérstaklega gegn Barnsley. Og gerir mig sem stuðningsmann ekkert sérstaklega glaðann með það að vinna Inter Milano einum færri í 60 min.

Og Rafael Benites er enn sama fíflið í mínum augum þó svo hann hafi hitt á rétta liðið loksins, og þó að Dirk Kuyt hafi skorað gegn inter gerir það hann ekki að aðalmanninum í liðinu - sú staða er sennilega laus til umsóknar - hver vill vera aðalmaðurinn, Gerrard er næst því að vera maðurinn en allt of oft sem hann tekur ekkert fram yfir hina í liðinu og spilar eins og hann sé áhorfandi.

en samt gælsilegur sigur - Áfram LIVERPOOL!!! 

Liverpool sigraði Inter 2:0

amerískara verður það varla

andskotann erum við að apa þetta Valentínusarkjaftæði upp eftir könum?

sjálfur held ég ekki upp á þennan dag, heldur reyni ég að vera jafn rómantískur alla daga ársins - tekst ekki alltaf en ég reyni, veit að sumir reyna að bæta eitthvað upp sem miður hefur farið í sínu sambandi á Valentínusardaginn og kaupa þá jafnvel eitthvað stórt og nógu dýrt haldandi að það bjargi einhverju.

þetta er bara væmni og ekkert annað! Taki þeir til sín sem eiga það! 

Það er ekkert að því að elska og vera rómantískur, sjálfur er ég að fara til London og morgun og ætla að vera rómantískur þar með kærustuni.  

svo mörg voru þau orð 

og þeir sem eru ósammála mér er það velkomið 

Syngja ástarjátningar til kvenna

þvílíkur dugnaður!

Frábært að mjókin sé farin að renna aftur á Stærri Árskógi, eftir áfallið sem bruninn var hafa ábúendur og aðrir venunnarar unnið þrekvirki að koma upp fjósi og búnaði aftur á örskömmum tíma og sýnir vel samstöðuna sem verður við svona áfall, allir standa saman og leggjast á eitt að koma öllu í sitt gamla horf.

Til hamingju með þetta!! 

 

Mjólkað á ný á Stærri-Árskógi

Á heimskan sér engin takmörk?

Djöfull getur fólk verið vitlaust, og það hefði ekkert átt að fara upp á heiðina því hún var lokuð!! NEI þau létu ekki viðvörun stoppa sig - ekki einu sinni tefja sig í einu eða neinu, heldur tróðu sér fram hjá merkinu þar sem stóð greinilega "Holtavörðuheiði LOKUÐ"

Fylgir samt ekki sögunni á hvernig bíl þau voru, en miðað við heimskuna hefur hann varla verið útbúinn nema í innanbæjarakstur að sumri til.

Voðalega hlýtur þessu fólki að líða vel í dag, með að ræsa út björgunarlið eldsnemma í morgun, bara vegna sinnar eigin heimsku. 

Gaman hefur verið að heyra viðbrögð björgunarmanna þegar þeir komu á staðinn, ef ég hefði ráðið einhverju þá hefði ég ekkert farði af stað fyrr en í fyrsta lagi kl. 7 

Það ætti að rukka svona fólk persónulega fyrir að æða út í rugl eins og þetta! 

Lögðu á lokaða Holtavörðuheiði